పార్టీలోని వ్యక్తులను మేపడం కోసం బడుగు వర్గాలను పస్తులుంచడం దుర్మార్గం: చంద్రబాబు

వైసీపీ నేతల జేబులు నింపడం కోసమే ఇసుక కొరతను సృష్టించారని మాజీ ముఖ్యమంత్రి చంద్రబాబు మండిపడ్డారు. ఇసుకను తవ్వడం దగ్గర నుంచి తరలించడం, నిల్వచేయడం, అమ్ముకోవడం అంతా అక్రమమేనని ఆరోపించారు. వైసీపీ నేతల కనుసన్నల్లోనే ఇదంతా జరుగుతోందని... అందుకే ఈ అక్రమాలపై చర్యలు తీసుకోవడం లేదని అన్నారు.

వైసీపీ ప్రభుత్వ అక్రమాల కారణంగా నిర్మాణరంగంలో కార్మికులుగా పని చేస్తున్న ఎంతో మంది కష్ట జీవులకు పనులు లేకుండా పోయాయని తెలిపారు. పార్టీలోని వ్యక్తులను మేపడం కోసం బడుగువర్గాలను పస్తులుంచడం దుర్మార్గమని అన్నారు. ఈ మేరకు ఆయన ట్విట్టర్ ద్వారా విమర్శలు గుప్పించారు.